Tuesday, April 20, 2010

NAXALWAAD KA NASUR....

Jiss tarah se naxalio ne dantewada mai 76 jawano ko mara hai wo na kewal khaufnaak hai balki chinta ka vishay bhi hai....Naxalio ki shakti dino din badhti jaa rahi hai....beshak unko videshi samarthan mil raha hai lekin ye baat bhi nahi jhuthlai jaa sakti ki desh ke andar ke kuch tabke aur dal bhi unko samarthn de rahe hai....
Sarkaar ki icchashakti ki kami ke chalte aise hamle roz hone lage hai....naxalio ke hausle buland hote jaa rahe hai aur surksha balo ka manobal girta jaa rha hai.... vote bank ki rajniti ke kaaran sarkaar koi kada kadam uthane se darr rahi hai.....jo wakai sharmnaak hai ... yeh unn shahido ka pamaan hai jo hanste hanste apni jaan  de gaye.....Hum roz jawano ki marne ki khabre dekhte aur padhte hai....ek jawan ke pichhe ek pura pariwaar marta hai, kai sapne dum todte hai, uski vidhwa patni aur anath bache kis haal mai apni zindagi basar karte hai....suvidha ke naam par sarkar ek musht paisa dekar apni karwai puri kar deti hai....

Dantewada mai 76 sainik nahi mare hai 76 pariwaaro ki maut hui hai, jab tak sarkaar hath pe hath dhare baithi rahegi....roz yuhi pariwaar marte rahenge, aurate bewa hoti rahengi, bache anath hote rahenge........lekin parwah kisko hai? bas sarkaar chalni chahiye....sainik to bechara marne ke liye hi paida hua hai!  Roz ka wahi raag ki hum naxalio se sakhti se niptenge....Lekin karwai mai kahin sakhti nahi hai.... wahi dhulmul rawaiya.....Aakhir ye napunsakta humko kaha le jayegi???
jiss tarah se naxali hamle ke baad  jawaharlal nehru university  delhi mai jashn manaya gaya wo bhi sharmnaak hai.....isko deshdroh nahi to aur kya kaha jayega? aise tatvo ke khilaaf bhi kadi karwai karni chahiye.....Tathakthit swayambhu  budhhijivio ka Ye kahna ki naxali bhi hamare samaj ka hisaa hai, ab bemaani ho gaya hai kyoki jinko desh ke kanoon aur savidhaan mai viswas nahi wo desh ka hisaa kaise ho sakte hai? Jab shareer ke kisi hisse mai nasoor ho jaye to uss hisse ko kaat kar fekna hi sabse uchit ilaaz hai....yehi naxalio ka hashra karna hoga .....iske liye sarkaar ki ichhashakti majboot karne ki jaroorat hai..... sena ka upyog kar ke naxalio ke tantra ko jab tak nestonabood nahi kiya jayegaa tab tak dantewada jaise  kaand hote rahenge aur chidambaram sahab bayaan dete rahenge......log marte rahenge aur delhi ke haakim bansuri baja ke kahte rahenge "All is Well"

1 comment:

  1. This comment has been removed by a blog administrator.

    ReplyDelete